SONG 152
Place Wey Go Praise Your Name
(1 Kings 8:27; 1 Chronicles 29:14)
1. Jehovah, the God wey make heaven,
We happy say we dey serve you.
You be God wey high pass for the world,
Even heaven no fit reach you.
We want give you this place Jehovah,
Na im make we come sing this song.
We happy to join hand build the place,
Wey we fit use de praise your name.
(BRIDGE)
Na sand-sand wey we be,
So we no get anything,
All the things wey we give
All the things wey we get Jehovah na from your hand.
(CHORUS)
How we go fit thank you Jehovah?
To just talk for mouth no fit reach.
We happy say we fit praise your name
With this place wey we build for you.
2. Jehovah, you know say we love you,
And we want make people serve you.
Na im make you help us build this place,
This place wey we de use praise you.
Abeg, make you bless-am Jehovah,
And bless all the work wey dey front.
We go work for you, we no go stop
To de do all the things you want.
(BRIDGE)
We go give you the best
For ev’rything wey we get.
You deserve-am Jehovah,
Good God wey no de fail.
(CHORUS)
How we go fit thank you Jehovah?
To just talk for mouth no fit reach.
We happy say we fit praise your name
With this place wey we build for you.
