Әзиз баҹылар вә гардашлар,

Аллаһа вә инсанлара мәһәббәт бизи бүтүн халгларын ичиндә шаҝирд һазырлајыб вәфтиз етмәјә тәшвиг едир (Мәт. 28:19, 20; Марк 12:28—31). Әсл мәһәббәт бөјүк гүдрәтә саһибдир. Бу ҹүр мәһәббәт бизи «әбәди һәјат јолунда јеримәјә мејли» оланлара көмәк етмәјә тәшвиг едәҹәк (Һәв. 13:48).

Әввәлләр тәблиғ заманы, әсасән, әзбәрләдијимиз тәгдиматы едирдик, сонра исә нәшр верирдик. Амма инди чалышырыг ки, инсанларла сөһбәт етмәк баҹарығымызы пүхтәләшдирәк. Биз инсанлары марагландыран вә нараһат едән мөвзулардан данышмагла онлара севҝимизи ҝөстәририк. Бунун үчүн исә ҝәрәк һәр бир инсана гаршы диггәтҹил олаг вә вәзијјәтә ујғунлашмағы баҹараг. Бу брошүр бизә бу саһәдә неҹә көмәк едәҹәк?

Брошүр 12 дәрсдән ибарәтдир. Бу дәрсләр бизә инсанлара мәһәббәт ҝөстәрмәк вә шаҝирд һазырламаг үчүн лазым олан хүсусијјәтләри јетишдирмәјә көмәк едәҹәк. Һәр дәрсдә Иса Мәсиһин вә биринҹи әсрдәки мүждәчиләрин тәблиғ заманы тәзаһүр етдирдији конкрет бир хүсусијјәт арашдырылыр. Мәгсәд тәгдимат әзбәрләмәк јох, инсанлара мәһәббәт ҝөстәрмәк үчүн мүхтәлиф үсуллар тапмагдыр. Әлбәттә, брошүрдә вурғуланан хүсусијјәтләр хидмәтин һәр бир нөвүндә бизә лазымдыр. Амма бу вәсаитдә арашдыраҹағыг ки, һәмин хүсусијјәтләрдән һансылар сөһбәтә башламаг, һансылар тәкрар сөһбәт етмәк вә һансылар Мүгәддәс Китаб дәрси кечмәк үчүн ваҹибдир.

Һәр дәрси арашдырдыгҹа әразиниздәки инсанлары дүшүнүн. Ҝөрүн дәрсдә арашдырылан хүсусијјәти онларла сөһбәт едәркән неҹә тәзаһүр етдирә биләрсиниз. Јеһоваја вә инсанлара мәһәббәтинизи артырмаға чалышын. Чүнки бу ҹүр мәһәббәт сизә шаҝирд һазырламаг ишиндә истәнилән үсулдан даһа чох көмәк едәҹәк.

Сизинлә чијин-чијинә хидмәт етмәкдән гүрур дујуруг (Сәф. 3:9). Гој Јеһова Аллаһ инсанлара ҝөстәрдијиниз севҝинин гат-гат әвәзини версин, шаҝирд һазырламаг ишиндә чәкдијиниз зәһмәтә бәрәкәт версин!