Mpangi zeto:

Luzolo mu Nzambi na mu bantu, beto lutumaka mu ‘kwenda, [. . .] mu kubika milongoki kwe bantu ba makanda mamansoni, na mu ba batisa.’ (Mat. 28:19, 20; Mak. 12:28-31) Nkatika luzolo ngolo lwena; lulendi simba mitima mia bo bê na mabanza ma delakana “mu bungu dia luzingu lwa mankululu.”—Bis. 13:48.

Mu ntama, bifwani bia bimoko tweri simbaka mu mutu, mpe mikanda tweri sisaka. Bwawu bu nsatu ye neto ya tomesa lenda dieto dia saka bimoko. Tuzololo tasongela luzolo kwe bantu bakaka bu tubazonzela misamu mi bazololo bawu. Wuzololo tâ, bâ na mabanza ma delakana mpe tomo kipa ndandu na misamu mie mfunu kwe muna muntu. Bwe mukanda wu wutubakisila mu sila bo?

Mu mukanda wu, bimoko 12 bie mu bizonzelaka bifu bi tufweti kurisa mu songelaka luzolo, na mu kubikaka milongoki. Muna timoko, mu tinsamu tia Bibila tisikamane titariri Yezu, peleko tisamuni tiakaka tia mu mbandu ya ntete tiasongela tifu tia mbote mu tisalu tia samuna. Kani dieto, ka diena ko mu simba bifwani bia bimoko, kâ ni mu songela luzolo kwe bantu. Ni bu sa ti muna tifu mfunu tiena mu tisalu tieto tia samuna, mbo tutaluzula bwe bifu biakaka bie nkatika mfunu mu batika bimoko, mu saka vizite za môna, peleko mu twarisaka ndongokolo za Bibila.

Bu kwe taluzuri muna timoko, tomo banza bwe lendi songela tifu tio bu zonzaka na bantu ba tizunga tiaku. Sarila ngolo mu kurisa luzolo lwaku mu Yehova na mu bantu. Luzolo lo, yôka mpila ni mpila ya samunina, mbo lukubakisa mu lungisa kani diaku dia kubika milongoki.

Bweso bwa bunene bwe neto, bwa salaka tintwari na nge, bwa tuzoloko. (Sof. 3:9) Bika Yehova kasakumuna ngolo zi sarila mu tatamana mu songela luzolo kwe bantu na mu kubika milongoki!