Mëguˈuktëjkëty:

Ko ntsojkëmë Dios etsë jäˈäy, yëˈë xypyudëjkëm parë nguytyuˈunëm ja anaˈamënë mëdiˈibë Jesus ojts tnigajpxy: “Nëjx yaˈëxpëktë jäˈäyëty mä tëgekyë naxwinyëdë esëts ëj njäˈäyˈattët. Yajnëbattë” (Mat. 28:​19, 20; Mar. 12:​28-31). Ko nyajnigëxëˈkëm ja tsojkënë, mbäädë jäˈäy nˈajäjt njotjäjtëm, ets nbudëjkëm “pënaty jënandëp ja yˈääw jyot ko kyupëkandëp ja jyukyˈäjtënë xëmëkyëjxmbë” (Hech. 13:​48, TNM).

Ko të yˈity nëjkxëm käjpxwäˈkxpë, agëbajky njäjtëm wiˈix ja jäˈäy nmëtmaytyäˈägäˈänëm ets jeˈeyë nmoˈoyëm ja rebistë o liibrë. Per tyam, tsojkëp niˈigyë njäjtëm wiˈix ja jäˈäy nmëtkäjpx nmëtmaytyakëm. Nyajnigëxëˈkëmë nety ko ntsojkëm ja jäˈäy ko mëët nnimaytyakëm tijaty jyotmayˈäjttëp o tijaty nyimaytyäˈägandëp. Wiˈixëm niduˈuk niduˈugë jäˈäy yaˈix yajpäättë. Pääty ko nmëtmaytyakëm, oy ko nbëjkëmë kuentë ti amaytyuun jotmaytyuunëdëp. ¡Yäˈädë foyetë yëˈë xypyudëkëyäˈänëm parë duˈun nduˈunëm!

Yäˈädë foyetë ja tmëminy 12 leksion, ets 12 pëky tnimaytyaˈaky wiˈix mbäät njäˈäyˈäjtëm parë nyajnigëxëˈkëm ja tsojkën ets ja jäˈäy tyëkët ëxpëjkpë. Mä tuˈuk tuˈugë leksion yajnimaytyäˈägäˈäny wiˈixë Jesus jyaˈayˈajty ko tmëduunyë Dios ets nanduˈunë wiinkpë Diosmëduumbëtyë yˈijxpajtën. Mëguˈuktëjk, mëdiˈibë tyam yajtunäämp yëˈë ets nˈëxtäˈäyëmë wyinmäˈäny wiˈix mbäät ndukˈijxëmë jäˈäy ko ntsojkëm, kyaj nyekyyëˈëjëty ets agëbajky njäjtëm wiˈix ja jäˈäy nmëtmaytyäˈägäˈänëm. Mä yäˈädë foyetë 12 pëky yajnimaytyaˈaky wiˈix mbäät njäˈäyˈäjtëm ko nduˈunëm ja Diosë tyuunk. Ets xypyudëkëyäˈänëm parë njäjtëm wiˈixë jäˈäy nmëtmaytyaktsoˈonëm, wiˈix nnijëmbijtëm ets wiˈix nyajtëjkëm ëxpëjkpë.

Ko xyˈëxpëktët tuˈuk tuˈugë leksion, winmay yajxon wiˈix duˈun mjäˈäyˈatäˈäny extëm jap yajnimaytyaˈaky ko mnëjkxët ëwäˈkx käjpxwäˈkxpë. Per mëdiˈibë niˈigyë mbudëkëyanëp, yëˈë ko xytsyokëdë Jyobaa etsë jäˈäy. Pääty oy ko niˈigyë nmëdäjtëm ja tsojkënë, pes yëˈë xypyudëkëyäˈänëm parë jäˈäy tyëkëdët ëxpëjkpë.

Jantsy jotkujkëts nnayjyawëdë ko tuˈugyë nduˈunëm (Sof. 3:9). ¡Waˈanë Jyobaa mguwäˈän mgunuˈkxëdë ko xyajnigëxëˈëktë ja tsojkënë ets ko jäˈäy xyajtëkëdë ëxpëjkpë!