Juyashca huauquipaniguna:

Taita Diosda y gentegunada juyashcamundami cai mandatoda cazunchi: “Tucui cai mundobi causaj gentecanchamun rrichi, paigunadaga ñuca discipuloguna tucullun ayudaichi. Bautizaichi” (Mat. 28:​19, 20; Mar. 12:​28-31). Verdaderamente gentegunada juyashaga, paigunabu shungu ucugamami chayangabu esforzarishun. Shinami “para siempre causaida charingabu alli shunguda charijgunada” ayudashun (Hech. 13:48).

Ñaupaga de memoriami predicarcanchi shinalladi publicaciongunada saquingabumi esforzarircanchi. Pero cununga genteguna imashina sintirishcada rricushmi alli yuyash shungumunda parrlana ganchi. Shinami paigunada juyashcada rricuchinchi. Cada unomi diferente gan. Chaimunda paiguna ima munashcamunda ima preocupaciongunada charishcamundami parrlana ganchi. Cai publicacionga chaida fajtachillunmi ayudanga.

Cai folletoga 12 cualidadgunada rricuchingabu 12 lecciongunadami charin. Shinami gentegunamun shungumunda juyaida rricuchi pudishun. Cada leccionbimi Jesús o ñaupa tiempobi Diosda huaquin sirvijguna predicacionbi shuj alli cualidadta imashina rricuchishcada parrlan. Cununga de memoria ninabu rrandiga, gentegunaun shungumunda parrlangabumi munanchi. Cai folletobi yachachishca cualidadgunaga predicangabu importantemi gan. Pero huaquin cualidadgunaga parrlai callaringabu, revisitagunada rrurrangabu y estudioda cungabu más importantemi gan.

Cada leccionda estudiajushaga, cai cualidadgunada predicacionbi can causashca lugarbi imashina fajtachinada yuyai. Jehová Diosda y gentegunada juyashcamundami shungumunda parrlanaga valishca gan. Chaimunda cai juyaida shinchiyachishunchi. Shina rrurrashmi genteguna Diosda sirvillun ayudangui.

Cangunaun tandalla sirvinaga jatun privilegiomi gan (Sof. 3:9). Diosda sirvijgunada rrurrangabu canguna juyaida rricuchish, esforzarish catishcamundaga Jehová Diosga ashcadami bendicianga.