Bakwesu aBachizi Bayandwa:

Kuyanda Leza abantu kupa kuti ‘twiinke . . . tukayiisye bantu bazisi zyoonse kuti babe basikwiiya, tubabbabbatizye.’ (Mt. 28:19, 20; Mk. 12:28-31) Luyando lulaamanguzu. Lulakonzya kubasika aamoyo aabo bali “aamyoyo iilibambilide kujana buumi butamani.”—Mil. 13:48.

Chiindi, twakali kubikkila maanu kukujata zikozyano zyakwaambuuzyania amutwe akupa bantu mabbuku. Pesi lino tuyanda kubikkila maanu kunzila njitwaambuuzyanaayo abantu. Tuyanda kutondeezya kuti tulabayanda kwiinda mukwaambuula nkani zibasika aamoyo. Eezi zyaamba kuti tweelede kuchincha-chincha akulangisisya kuti nziizili nkani zimunoneezya umwi awumwi. Kabbuku aaka kalatugwasya biyeni kuti tuchite oobo?

Kabbuku aaka kali aazyiiyo zili 12 zituyiisya buntu mbutweelede kubaabo kuti tukonzye kutondeezya bantu luyando akubagwasya kuti babe basikwiiya. Chiiyo chimwi achimwi chinoolanga-langa buntu mbwaakatondeezya Jesu naakuti umwi mukambawusi wakusaanguna naakali kuchita mulimu wakukambawuka. Makanze eesu ngakuti tuchite zintu zitondeezya kuti tulabayanda bantu kutali kujata zikozyano zyakwaambuuzyania amutwe. Mbukunga buntu boonse bulatugwasya mumulimu wesu wakukambawuka, nkinkaako tulalanga-langa bumwi buntu mbubukonzya kutugwasya kapati nitusaanguna kwaambuuzyania aabantu, nitubabweedela anituchitisya zyiiyo zyaBbayibbili.

Chiindi nwaanoolanga-langa chiiyo chimwi achimwi, bona mbukonzya kutondeezya buntu bumwi abumwi chiindi nwaambuula aabantu bamuchilawu mukkala. Chita zintu zipa kuti uyungizye mbumuyanda Jehova abantu. Kuchita oobo kuyookugwasya kuti uzuzikizye makanze aako aakugwasya bantu kuti babe basikwiiya.

Tulaachilongezyo chipati chakubelekaamwi andinywe. (Zef. 3:9) Jehova aamulongezye moonse chiindi nimwiinkilila kunembo kuyanda bantu akubagwasya kuti babe basikwiiya.