Дуно агайёс но сузэръёс!

Ми яратӥськомы Инмарез но адямиосты, соин ик кылзӥськиськомы Иисуслэн косонэзлэсь: «Мынэлэ, вань калыкъёсты дышетэлэ; соосты... пылатэ» (Матф. 28:19, 20; Марк 12:28—31). Адямиосты яратон юрттоз Инмарез утчась адямиослэсь сюлэмзэс вырӟытыны (Евр. 11:6).

Азьвыл ми адямиосын дышетэм кылъёсын вераськимы но милям ужпуммы вал соослы кыӵе ке публикацимес кельтыны. Нош али ми дышетскиськомы адямиосын вераськыны. Милям потэ соослы яратэммес возьматэммы, соин ик ми вераськиськомы со сярысь, мар соослы тунсыко потэ. Со понна ми тыршиськомы валаны, мар сярысь малпасько адямиос но мар соосты сюлмаськытэ. Озьы ик ми котьку дась вераськонмес воштыны. Кызьы та брошюра юрттоз милемлы адямиосын вераськыны?

Та брошюраын 12 урокъёс. Отын эскерисько 12 визь-кенешъёс, кудъёсыз юрттозы милемлы адямиослы яратэммес возьматыны но соосты дышетыны. Ми тодомы, кызьы Иисуслэсь но нырысетӥ даурысь христианъёслэсь адӟем карыны быгатомы. Одӥгъёсыз визь-кенешъёс тужгес но пайдаё луозы, куке ми адямиен нырысетӥзэ вераськиськомы, мукетъёсыз — куке тунсыкъяськись адямилы юрттӥськомы, нош куинетӥосыз — куке адямиен Библиез дышетӥськомы. Адямиосын дышетэм кылъёсын вераськем интые, милям потэ соослы яратэммес возьматэммы, соин ик та визь-кенешъёс милемлы туж кулэ.

Котькуд урокез эскерыкуды, малпаське, кызьы тӥ отысь визь-кенешез уже кутыны быгатоды. Со сяна, тырше Иеговаез но адямиосты яратондэс юнматыны, малы ке шуоно яратонтэк ми адямиосты дышетыны ум быгатэ.

Тӥледын ӵош Иеговалы ужаны-тыршыны ми понна бадӟым дан (Соф. 3:9). Адямиосты яратэмысь но соосты дышетэмысь эн дугдэ! Ми вӧсяськиськомы, Иегова тыршемдэс бакель мед кароз шуыса.