ძვირფას და დო ჯიმალეფ,

ღორონთიშ დო ადამიანეფიშ ჸოროფა გინმოჭყვიდირაფუანა, მივაჸუნათ იესოშ მითითებას: „მეუთ, არძა ერიშ ხალხშა დო ჩქიმ მოწაფეეფო მამზადით თინეფ; დონათით“ (მათ. 28:​19, 20; მარ. 12:​28—31). ადამიანეფიშ მიმართ ჸოროფა ქუმაღვენუნან-და, შემალებენა ჭეშმარიტებაშა მიპჸუნათ თინეფ, „მიდგაშ გურ მარადიულ სიცოცხლეშ მიოღებელო [რე] განწყობილ“ (საქ. 13:48).

ულირს მთავარ ყურადღება გინოღალირ მაფდეს შეთავაზებეფიშ დამახსოვრებაშა დო პუბლიკაციეფიშ დოტებაშა, მარა ამდღა საჭირო რე, მონდომა ვადვარკათ ჩიებაშ უნარეფიშ გაუჯგუშებას. მოკონა შხვეფიშ ჸოროფა გეგმიფრჩქინათ თით, ნამდა ქივეჩუათ თი საკითხეფშე, მუთ თინეფს ოინტერესნა. თექ შემალებუანინ, არძას შხვადოშხვანერო ოკო მეუდირთათ დო დეფიფქრათ, მუ აწუხენა თინეფს დო მუ ოინტერესნა არძაშ უმოსო. მუჭო მიმეხვარებნა თე პუბლიკაცია თეშ კეთებას?

თე ბროშურას მოჩამილ 12 გაკვეთილშე ბგურაფლენთ, ნამ თვისებეფ ოკო გუვავითარათ, ნამდა შემალებუან გეგმიფრჩქინათ ჸოროფა ადამიანეფიშ მიმართ დო მუვამზადათ მოწაფეეფ. თითოულ გაკვეთილ გერსხილ რე ბიბლიურ მონაკვეთშა, სოვრეშეთ იძირე, მუჭო მსახურენდეს იესო დო პირველ საუკუნეს მახორუ ნამთინე ქრისტიან. ჩქინ მიზან შეთავაზებეფიშ დამახსოვრება ვარინ, ირნერ შესაძლებლობაშ გორუა რე, ნამდა გეგმიფრჩქინათ ჸოროფა ადამიანეფიშ მიმართ. თე ბროშურას გუვარჩიენთ კონკრეტულ თვისებეფს, ნამუთ განსაკუთრებულო მოსაჭირნა ჩიებაშ დოჭყაფაშ, კინ მეკითხირიშ დო ბიბლიაშ გურაფეფიშ ჩატარებაშ დროს. მარა თითოულ ნაწილს გარჩიებულ თვისებეფ მსახურებაშ თე სუმხოლო კუნთხუს გიმმოდირთუნა.

თითოულ გაკვეთილიშ გარჩიებაშ დროს დეფიქრ, მუჭო შეილებ თექ მოჩამილ თვისებაშ გიმორჩქინა სქან ტერიტორიას მახორუ ხალხწკუმა ჩიებაშ დროს. ირნერო ეცად, გემანგარე ჸოროფა იეჰოვაშ დო ადამიანეფიშ მიმართ, მუშენდა ირფელშე უმოსო ჸოროფა მიგეხვარებ, ქიმიოჭირინუე მიზანს, ნამდა მამზადე მოწაფეეფ.

ჩქი მანგარო მოხიოლნა, ნამდა მიღნა პატი, თქვანწკუმა იფთანამშრომლათ (სოფ. 3:9). გიჸორდან ადამიანეფ დო გაგრძელით მოწაფეეფიშ მომზადება. იეჰოვას ვემურკებდას თქვანდა კურთხევეფ!