Pë ˈö Yesu ˗ya ˗kë

˗Gleŋ ˗mɛɛn ˈö Yesu ˗ya ˗da kwa ˗bha?

2. ˈKwa˗ pö ˈkwa ˈˈdoo ˗së dɔ mɛn ˗nu ˈˈpiʋ̈, kwa dua ˗mü kö ˈkwa˗ züdɔ ˈwɔn ˈbha ˈö˗ ˗dhɔ ˗yö ˗an ˗kë ˗a ˗ta.

 ˗Kwa ʒiö Yesu ˗bha ˈwɔnzuan ˈˈpiʋ̈

3. ˗Kwa ˈˈwɩ˗ ˗bha kö ˈkwa kwa ˗bha ˈwɔn ˗nu bho ˈˈgblʋʋ. ˈKwa ˈdho ˗a pö ˈˈgbɩɩdhɛ ˈka ꞊dhɛ ˈkwa ˈˈdoo züdɔ ˈwɔn ˗gɔ ˈbha ˈö kwa ˗zë kwa ˗gɔ ˈgü ˗a ˗ta. ˗Kwaa züdɔ ˗ʒian ˈwɔn ˈbha ˈö mɛn ˗nu ˈwo wo ˗zota ˗ni ˈgü ˗a ˈgü yi ˈö bhë ˗a ˈka, ꞊nën˗ ˗ta. ˗Kwa kwa ˗de dhɛɛˈˈ ˈkpɔ:

1.    ‹ˈWɔn ˗mɛɛn ˈö ˈˈshia ˈˈtʋ̈ŋ yö ˗a ˈgü?›

2.   ‹˗Mën ˗wɔn ˈö n ˗yayɔɔ ˗nu, n ˈˈtɔŋdë ˗nu ˈwo yö ˈˈdhiʋ̈ ɛɛn ˈö ˈwo ꞊klaŋplöö ˈwo˗ ˈˈdoo dɔ ˗ni ˈgü ˗dhɛkpaɔyi ꞊plɛ ˈö yö ˗a ˈka?›

4. ˗Kwa kë ˈwɔn ˈsuan˗ bho ˗mɛn ˈka. ˗Kwa kwa ˗de dhɛɛˈˈ ˈkpɔ:

1.    ‹˗Mën ˈö˗ ˗mɛn ˈö˗ kë ˗ni ˈgü? -Mën ˈö ö ˗zota ˗ni ˈgü ˗a ˈgü?›

2.   ‹˗Mën ˈö˗ ˗bha sɔ ˗da ˗kɔ, ˗a dɔ ˗kɔ ɛɛnˈˈ ˗a ˗bha ˈkɔ ˈö˗ ˗zɔn ˈö ˗gban ˗a wɔkɔ ɛɛnˈˈ ˗zlanwo ˈö˗ ˈgü ˗a ˗bha?›

3.   ‹ˈWɔn ˗blɛɛ ˗a ˗mɛn ˗dhɛ ˗sü ˈˈtʋ̈ŋ ˗së ꞊nɛɛn ˗ee?›

5. ˗Kwa kwa ˈˈtʋ ˈto.

1.    ˈKwa ˈdho ˈwɔn blɛɛˈˈ ꞊va.

2.   ˗Kwaa kë kö ˈmɛn ˈö ˈkwa ˈˈdoo dɔ ˗ni ˈgü ˗a ˈˈpiʋ̈, yö ꞊nën ˗yö dhiaŋ zë. ˗Kwa dhɛɛˈˈ ˗nu ˈkpɔ ˗a ˗gɔ ˗an ˈkpɔ ˈˈtʋ̈ŋ ˗së ˗bha.