Kemɨtiuyuri Ketsuútsi

¿Tita tetehetimamateke Ketsuútsi kemɨtiuyuritsíe?

2. Xɨka teuteri tetewarutaxaatɨani teutiʼeriwatɨ tita heetsíe memuteheuxaataku pɨtiuyuriwe matsi ʼaixɨ memɨtateʼenieni.

 Ketsuútsi keneutaʼɨki

3. Ketinekupatani. Pepɨkatiukatsutsutɨwani petikuxaatatɨ tita heetsíe pemɨreuxaatamɨkɨ ʼekɨ, matsi pɨɨtá ketineukatsutɨa ketiʼanemetsíe mɨreumaimɨkɨ keane pemɨtikuxaxaatɨwa. ʼAyumieme, ketineupatá kepemɨtikuʼeriwa matsi pɨɨtá tineuyuʼiwawiya:

1.    «¿Tita ranayeneika televisiontsíe?».

2.   «¿Tita heetsíe metekuxaata keane neʼaurié memutitei, neʼuximayatsika memuyeʼuwa metá neʼetsikwera memetaʼaxe?».

4. Keneyukuʼɨwiyani. Tineuyuʼiwawiya:

1.    «¿Ketiyuriene keane nemɨtikuxaxaatɨwa? ¿Ketiʼanemetsíe tiutiʼeriwa?».

2.   «¿Kenerahɨawe kemɨreuyukukemaritɨa, kemɨtiyuhekɨ́a metá kemɨreukuka ketita heetsíe mɨtiʼerie?».

3.   «¿Rayeʼarí nemɨtitaxaatɨanikɨ?».

5. Kenekuʼeniwani.

1.    Waɨkawa pepɨkatiutaxaxaatani.

2.   Keane pemɨtikuxaxaatɨwa keneupitɨa mɨtitaxaata kemɨtikuʼeriwa. Xɨka ʼaixɨ ʼaneni, keneutaʼiwawiya.