PIB NROG LUAG THAM
ZAJ KAWM 1
Xam Pom Lwm Tus
Hauv paus ntsiab lus: “Tsis txhob ua kom haum yus siab xwb tiam sis yuav tsum ua kom haum lwm tus siab thiab.”—Filipis 2:4.
Yexus Coj Li Cas?
1. Saib zaj YEEB YAJ KIAB, los sis nyeem Yauhas 4:6-9. Tom qab ntawd, tham txog ob lo lus no:
Peb Kawm Tau Li Cas Los Ntawm Yexus?
2. Yuav yooj yim dua rau tib neeg nrog peb tham pem yog peb xub tham txog tej uas lawv nyiam.
Xyaum Yexus
3. Paub yoog lwm tus. Txhob xav txog tej zaj uas koj npaj mus hais xwb. Tiam sis xav seb tus neeg ntawd txhawj txog tej yam twg, ces pib tham txog tej ntawd. Ua tib zoo xav li no:
-
Cov neeg zej zog, cov neeg tom hauj lwm, cov me nyuam tom tsev kawm ntawv niaj hnub tham txog dab tsi xwb?
4. Txawj saib ib ncig. Ua tib zoo xav li no:
-
Tus uas koj nrog tham ntawd tab tom ua dab tsi xav dab tsi? Nws puas nyuaj siab dab tsi?
-
Ua tib zoo saib tus tswv tsev seb nws coj li cas, hnav khaub ncaws li cas, yog haiv neeg twg, ua li nws lub tsev ne puas qhia tau li cas txog nws? Nws puas tseem coj kev cai dab qhuas? Los yog nws twb lawb dab lawm?
5. Ua tib zoo mloog.
SAIB COV NQE VAJLUGKUB
Mathais 7:12; 1 Kauleethaus 9:20-23; 13:4, 5; Yakaunpaus 1:19
