Ɔdā Nɛ Ujisɔsi Ya

Ɔdi Nɛ Alɔ Nwu Ŋma Ɛgiyi Ujisɔsi A?

2. Alɔ lɔfu gbɔɔ ɔka ō ka ɔwɛ olɔhi ɔdaŋ ka ikpɛyi ɛlā nɛ alɔ yɔ i kɛla lɛyikwu ɔ a he ɔcɛ nɛ alɔ yɔ i ka ɔka mla anu a ɔtu.

 Gbla Ujisɔsi Ya

3. Le tutu ō lɛ ɔdā nɛ a bi ɔtu a piyabɔ. A hii gbɔɔ ɔka ō ka mla ikpɛyi ɛlā nɛ a ya otutu ku nu ŋma ɔlɛ a piii ŋ. Gbɔɔ ɔka ō ka mla ɔdā nɛ ācɛ yɔ i kɛlā lɛyikwu ɔ a. Da iyi uwɔ ɔka kahinii:

1.    ‘Ɔdi yɔ ipu ɔkpá ku ɔ̄kā a?’

2.   ‘Ɔdi nɛ aoladoogbe ku um, ācɛ nɛ um gē yuklɔ tɔha mla uwa, amāŋ ayipɛ uklasi ku um yɔ i kɛla lɛyikwu ɔ a?’

4. Leyi taajɛ. Da iyi uwɔ ɔka kahinii:

1.    ‘Ɔdi nɛ ɔcɛ a yɔ i ya babanya a? Ɔdi nɛ ó lɔfu yɔ i gbɛla lɛyikwu ɔ a?’

2.   ‘Ɔdi nɛ ili, ō má eyī ku ɔcɛ a, amāŋ ɔlɛ nu ka lɛyikwu ɛga nɛ ó ŋma amāŋ ɔdā nɛ ó kpɔtuce ɔ a?’

3.   ‘Babanya wɛ eko olɔhi ō kɛla lɛ ɔcɛ ɔɔma a?’

5. Jahɔ.

1.    A hii kɛla nwune ŋ.

2.   Tu ɔcɛ a ɔtu kwu ɔtu kóō kɛla nōo yɔ ipu ɔtu ku nu. Eko okpaakpa, a lɔfu da ɔ ɔka ɛyɛɛyɛyi.