ƐZƖMA ÐƖPƖZƖƔ NƐ ÐƖPAƔZƖ KƐDAƔ YƆ
TƆM KƖKPƐLƖKƖTƲ 1
Maɣzɩ lalaa yɔɔ
Paɣtʋ kiɖe: «Sɔɔlɩm . . . [ɛɛñɩnɩɣ] pɩ-maɣmaɣ pɩ-kɛzɛsɩ.»—1 Kɔr. 13:4, 5.
Mbʋ Yesu laba yɔ
1. Cɔnɩ VIDEO, yaa kalɩ Yohanɛɛsɩ 4:6-9. Pʋwayɩ lɛ ŋmaɣzɩ tɔm tʋnɛ tɩ-yɔɔ:
-
Ɛbɛ Yesu na halʋ weyi ɛcaɣaɣ-ɩ yɔɔdɩnʋʋ yɔ ɛ-yɔɔ pʋcɔ nɛ ɛpaɣzɩ-ɩ yɔɔdɩnʋʋ?
-
Yesu yɔɔdaa se: «Ha-m lɩm nɛ mɔñɔɔ.» Nʋmɔʋ ŋgʋ kɩ-yɔɔ Yesu tɩŋnaa nɛ ɛpaɣzɩ kɛdaɣ yɔ, ɛbɛ yɔɔ kɩkɛ nʋmɔʋ kɩbaŋʋ?
Ɛbɛ ɖɩkpɛlɩkɩɣ Yesu kɩɖaʋ taa?
2. Ye ɖa nɛ ɛyaa ɖɩlakɩ kɛdaɣ tɔm ndʋ tɩkɛdɩɣnɩ-wɛ yɔ tɩ-yɔɔ yɔ, pɩpɩzɩɣ piyele nɛ kɛdaɣ ɖɔ camɩyɛ.
Maɣzɩnɩ Yesu
3. Taañɔɔnɩ tɔm natʋyʋ cɩŋ cɩŋ. Taañɔɔnɩ tɔm ndʋ ŋñɔɔzaa yɔ cɩŋ cɩŋ nɛ ŋɖʋ ña-taa se ndʋ pɩwɛɛ se ŋpaɣzɩnɩ kɛdaɣ. Paɣzɩ kɛdaɣ nɛ tɔm ndʋ tɩ-yɔɔ ɛyaa wɛɛ nɛ pamaɣzɩɣ evemiye nɖɩ yɔ. Pɔzɩ ña-tɩ se:
-
«Ɛbɛ tɔm pɔyɔɔdɩ ɛjaɖɛ yɔɔ tɔm susuu wondu taa?»
-
«Ɛbɛ tɔm mɔn-cɔlɔ mba, mba ma nɛ wɛ ɖɩlakɩ tʋmɩyɛ yɔ yaa mon-sukuli taa mba wɛɛ nɛ pɔyɔɔdʋʋ?»
4. Cɔnɩ camɩyɛ. Pɔzɩ ña-tɩ se:
-
«Ɛbɛ ɛyʋ ɛnʋ eɖiɣni labʋ? Pɩtɩla ɛbɛ yɔɔ eɖiɣni maɣzʋʋ?»
-
«Wondu ndʋ ɛyʋ ɛnʋ esuwa yɔ, ɛ-wɛtʋ yaa ɛ-ɖɩɣa yeki se menɖiɣzina se ɛbɛ yɔɔ etisiɣ yaa sɔnzɩ nzɩ taa ɛlɩnaa?»
-
«Pɩkɛ alɩwaatʋ kɩbandʋ ndʋ tɩ-yɔɔ pɩwɛɛ se mɔyɔɔdɩnɩ-ɩ yɔ?»
5. Welisi camɩyɛ.
-
Taakɩlɩ yɔɔdʋʋ.
-
Seɣti-i nɛ ɛyɔɔdɩ ndʋ ɛmaɣzɩɣ yɔ. Ye pɩmʋnaa yɔ pɔzɩ-ɩ tɔm.