KUMATEKA KUZWELA NI MUTHU
DISÁ 1
Zwela Ima Yawabhela Akwenu
Kitumu: “O mukwa henda . . . kene musota ngó o mbote yê.”—1 Ko. 13:4, 5.
Ihi Yabhange Jezú
1. Tala o VIDYU, mba tanga Nzwá 4:6-9. Mukusuluka, xinganeka ku ibhwidisu yiyi:
-
Ihi yatale Jezú ku muhatu ande dya kumateka kuzwela-né?
-
Jezú wambe kiki: “Ngibhane tu menya.” Mukonda dyahi yu wexile ukexilu wambote wakumateka kuzwela ni muhatu?
Kima Kyahi Kitulonga o Phangu ya Jezú?
2. Twandatena kudizwelesa kyambote ni muthu se tumateka kuzwela-ne maka awabhela mwene.
Kayela Jezú
3. Kana kubhonza kyavulu. Kana kujijila kuzwela ni muthu o maka u wadisokejeka nau kubhata. Mateka kuzwela ima yamuxinganeka dingi akwenu mu izuwa yiyi. Dibhwidise kiki:
-
‘Ihi yala mu jijurnale?’
-
‘Ihi dingi yene muzwela akwetu mu dyembu, akwetu kusalu mba akwetu ku xikola?’
4. Tala kyambote. Dibhwidise kiki:
-
‘Ihi yamubhanga o muthu mu kithangana kyenyiki? Nange ihi yamuxinganeka mwene?’
-
‘O izwatu yê, ni pholo yê, mba dibhata dyê, ingilonga ihi yalungu ni mwene mba yalungu ni ijila yê?’
-
‘O kwila kindala kithangana kyambote phala kumuzwelesa?’
5. Ivwa.
-
Kana kuzwela kyavulu.
-
Swinisa o muthu kuzwela yamukala ku muxima. Se kibhana, mubhange ibhwidisu.
