Ũrĩa Jesũ Aathithĩrie

Nĩmbi Tũkwiritana Kuumania na Jesũ?

2. Kwombĩka tũkethĩrwa na maumĩĩra jameega kethĩra tũkaarĩĩria mantũ jarĩa jagũkucĩĩria muntũ ũrĩa tũkwaranĩria nawe.

 Igerekanie na Jesũ

3. Menya ũgwatĩĩra ũntũ bũmwe. To mwanka wambie rwaria na ũntũ bũrĩa ũgwe ũkũthuranĩrĩte. Ambia na ũntũ bũrĩa bũrĩ mathũgaanione ja antũ bangĩ ntukũ ĩu. Ciũrie:

1.    ‘Nĩmbi bikwarĩĩrua kĩrĩ nyomba cia nteto?’

2.   ‘Nĩmbi mono mono atũũri bakwa, ariti ngũgĩ bangĩ, kana barĩa nthoomaga nabo cukuru bakwarĩĩria?’

4. Tega mantũ jarĩa jagwĩta na mbere. Ciũrie:

1.    ‘Nĩmbi muntũ ũjũ akũthithia nandĩ? Nĩmbi omba kwĩthĩrwa akĩthũgaanagĩria?’

2.   ‘Nĩmbi nkwiritana biegie wĩtĩkio kana mawĩthĩre ja muntũ ũjũ ndatega mwĩkĩĩre jwawe, ũrĩa akwoneka, kana nja yaawe?’

3.   ‘Rĩ, gaka nĩko kagiita gakwagĩra kwaranĩria nawe?’

5. Thikĩĩra bwega.

1.    Menya waria mono.

2.   Ĩkĩra inya ũrĩa bũkwaranĩria nawe atĩgakire rwariene. Ũũria biũria, ĩgiita rĩrĩa rĩkwagĩra.