Xiktlapoui tlen kineki kimatis

MA MOKAKI IKA

Principio bíblico: “Akin tetlasojtla [...] amo kichiua san tlen ye kineki” (1 Cor. 13:4, 5).

¿Tlen okichi Jesús?

VIDEO: Jesús omotlapoui iuan se siuatl kanin okatka atekochtli

1. Xikita VIDEO noso xiktlajtolti Juan 4:6-9. Satepan ximotlajtlani:

1. ¿Tlen okitak Jesús ijkuak opejki motlapouia iuan se siuatl?
2. Jesús okilui siuatl: “Techmaka atl manikoni”. ¿Tleka Jesús okimatki ken motlapouis iuan non siuatl?

¿Tlen techmachtia tlen okichi Jesús?

2. Tlen okichi Jesús techmachtia okachi techkakiskej oksekimej tla tikintlapouiskej tlen kinekij kimatiskej.

Xikchiua ijkon ken Jesús okichi

3. Amo san xikijto tlen te tikneki. Ijkuak ikaj tiktlapouis amo san xikilui tlen te tikneki tikijtos. Xikilui tlen kineki kimatis. Ikinon ximotlajtlani:

1. “¿Tlen kijtouaj noticias?”.
2. “¿Tlen motlapouiaj kanin nichanti, kanin nitekipanoua noso kanin nimomachtia?”.

4. Kuali xikita tlen kichiua akin tiktlapouis uan tlen kipia. Ximotlajtlani:

1. “¿Tlen kichijtok? ¿Tlen mokuayejyekoua?”.
2. “¿Tlen kiteititia ken motlakentia, ken mota, tlen kineltoka uan tlen kichiua?”.
3. “¿Majxilis nouan motlapouis?”.

5. Xikkaki akin tiktlapouis.

1. Amo san te sapanoua xitlajto.
2. Xikkauili mamitsilui tlen mokuayejyekoua. Noijki uelis itlaj tiktlajtlanis.

NOIJKI XIKITA

Mat. 7:12; 1 Cor. 9:20-23; Filip. 2:4; Sant. 1:19

XITETLASOJTLA UAN XITLAMACHTI