Seo Jesu a se Dirilego

Seo re Ithutago Sona go Jesu

2. Gantši batho ba thabela go boledišana le rena ge re bolela ka dilo tšeo di ba kgahlago.

 Ekiša Jesu

3. Fetofetoga le maemo. O se ke wa gapeletša go thoma poledišano ka taba yeo o bego o e lokišeditše. Thoma poledišano ka selo seo batho ba bangwe ba tshwenyegilego ka sona letšatšing leo. Ipotšiše gore:

1.    ‘Ditabeng go bolelwa ka eng?’

2.   ‘Baagišane ba ka, batho bao ke šomago le bona goba bao ke tsenago le bona sekolo ba bolela ka eng?’

4. Ntšha mahlo dinameng. Ipotšiše gore:

1.    ‘Motho yoo ke nyakago go bolela le yena o dira eng gona bjale? A ka ba a nagana ka eng?’

2.   ‘Tsela yeo motho yoo a aperego ka yona, ponagalo ya gagwe goba legae la gagwe, di bontšha gore o dumela eng goba di bontšha gore o tšwa nageng efe?’

3.   ‘Na ye ke nako ya maleba ya go bolela le yena?’

5. Theetša.

1.    O se ke wa bolela kudu.

2.   Kgothaletša motho yoo o bolelago le yena gore a bolele kamoo a ikwago ka gona. Ge go kgonega, mmotšiše dipotšišo.