Eki Yesu Yaakozire

Nitwegyera ki Ahari Yesu?

2. Nitubaasa kugaaniira gye n’omuntu twatandika n’enshonga erikumushemeza.

 Tooreza Yesu

3. Ba oyeteekateekire kuhinduramu. Otaangisiriza ngu oine kutandika ekigaaniiro orikukoresa enshonga ei iwe orikwenda. Tandika n’eki abandi barikwenda kumanya. Yebuuze oti:

1.    ‘Amakuru nigagamba ahari ki?’

2.   ‘Abataahi, aha murimo, nari aha ishomero, nibagamba ahari ki?’

4. Yetegyereza embeera. Yebuuze oti:

1.    ‘Omuntu ariyo naakora ki? Naabaasa kuba ariyo naateekateeka ahari ki?’

2.   ‘Emijwarire y’omuntu, endeebeka ye, nari eka ye, nibyoreka ngu n’owa nyikiriza ki, nari eihanga ki?’

3.   ‘Obu n’obwire burungi bw’okugamba n’omuntu ogu?’

5. Hurikiza.

1.    Otagamba bingi.

2.   Higa omuntu kugamba eki arikuteekateeka. Kyaba nikibaasika, buuza ebibuuzo.