Kuwonesa chidwi kwa anango

IMBISANI

Mpfundo: ‘Chikondi . . . chisamalalini vofuna vake vokha.’—1 Akor. 13:4, 5.

Vomwe Yesu adachita

VIDIYO: Yesu na nkazi pam’chera

1. Nyang’anirani VIDIYO, panango werengani Yohane 4:6-9. Patsogolo pake ganizirani mibvunzo aya:

Ko Yesu adawona chani kwa nkazi moyu akanati wayamba kucheza naye?
Yesu adati: ‘Mayi munipaseko madzi yakumwa.’ Ndawa chani tingati mweyi yenze njira yabwino yoyambisira macheza?

Ko tinkupfunzira chani pachitsanzo cha Yesu?

2. Tingakhale na macheza yabwino peno tingayambise nkhani yomwe ingachitise chidwi munthu munango.

Tewedzerani Yesu

3. Khalani wokonzeka kuchinja. Osaumirira kuyambisa macheza pa nkhani yomwe munayo mu msolo mwanu. Yambani macheza pa vinthu vomwe wanthu anango ankuvikumbukira manjeuno. Dzibvunzeni kuti:

‘Ko ni notisiya ziponi zomwe zikubveka mumawairesi?’
‘Ko mavizinyu, wabasa anzangu na anzangu wakushikola ankukumbuka chani?’

4. Khalani tcheru. Dzibvunzeni kuti:

‘Ko iye ankuchita chani? Ko iye ankuganiza chan?’
‘Ko vovala, mawonekedwe, nyumba yake vinkulewa chani pa vomwe achakhulupirira olo chikhalidwe chake?’
‘Ko imweyi ni nthawe yabwino yocheza naye munthu moyu?’

5. Bveserani.

Ayi kumbayankhula maninge.
Muchitiseni kufotokoza maganizo yake. Peno nivokwanisika mbabvunzani mibvunzo.

ONANI POMWE

Mat. 7:12; 1 Akor. 9:20-23; Afil. 2:4; Yak. 1:19

KONDANI WANTHU MWA KUWAPFUNZISA