KUMSA KOMBERSA
LISON 1
Papia di kusas ku na interesa utrus
Prinsipiu di Biblia: “Amor . . . i ka intereseru”. — 1 Kor 13:4, 5.
Ke ku Jesus fasi
1. Jubi VIDEO, o lei Jon 4:6-9. Dipus pensa diritu nes purguntas:
-
Ke ku Jesus oja minjer na fasi antis di i kumsa kombersa?
-
Jesus fala: “Patin yagu pa N bibi.” Pabia ku es i un bon manera di kumsa kombersa?
Ke ku no aprindi di Jesus?
2. Si no kumsa ku un asuntu ku na interesa un algin, no na mas tene pusibilidadi di tene un bon kombersa.
Kopia isemplu di Jesus
3. Sibi adapta. Ka bu nsisti na kumsa kombersa ku un asuntu ku bu purparaba ja pa papia del. Kumsa ku un kusa ku utrus sta na pensa nel na mumentu. Punta bu kabesa:
-
‘Kal notisia ku sta na faladu del?’
-
‘Ke ku ña visiñus, kolegas di tarbaju o di skola sta na papia del?’
4. Sedu algin ku ta jubi diritu. Punta bu kabesa:
-
‘Ke ku ki algin sta na fasi? Ke talves ki sta na pensa nel?’
-
‘Kuma ku si manera di bisti, si aparensia, o si kasa ta mostran ke ki fia nel o si kultura?’
-
‘Sera ki es i un bon mumentu di papia ku el?’
5. Sukuta.
-
Ka bu papia ciu.
-
Disa pa algin sta avontadi di konta ke ki i pensa. Ora ki pirsis, fasi purguntas.
