KYƐBƆ ƐNE EBIE KƆHYƐ YEBO KƆBƆ NGƆMMƆ Ɔ
ADESŨA 1
Nea Bɔ Sona Ne Nye Gye Yenwo Ɔ
Bɔ Adesũa Ne Gyi So Ɔ: “Ɔdɔ de, . . . ɔtte pɛsɛmangomenya.”—1 Kor. 13:4, 5.
Bɔ Yesu Yɛle Ɔ
1. Nea VIDIO ne, anaa kenga Yohane 4:6-9. Eyie a, susu nzɛmmisa hemɔ nwo:
Bɔ Yesu Yɛle Ne, Nzu Yeɛ Yesũa Yefi Nu Ɔ?
2. Sɛ yedimoa yɛkã edwirɛ bie bɔ sona ne nye gye yenwo a, ɔkɔhora kɔmaa yɛne ye kɔbɔ ngɔmmɔ.
Suesũa Bɔ Yesu Yɛle Ne
3. Ɛyɛ a sesã wɔ dwirɛ nanu. Ebia né alimoa asiesie edwirɛ bie bɔ ɛfa kɔ asɛnga ɔ. Nakoso nnɛyɛ w’adwene kyɛ kyɛbɔ ɔte biala, ɛhẽne ala yeɛ ɛkɔhã yenwo dwirɛ ɔ. Na mmom, kã edwirɛ bie bɔ sona ne nye kɔgye yenwo ɔ. Ɛkɔhora kobisa wɔnwo kyɛ:
-
‘Mmenia bɔ me ne bɛ te mandanu, bɛbɔ me ne bɛ yɛ adwuma, ɔne bɛbɔ me ne bɛ kɔ sukuu ne, nzu yeɛ bɛtaa bɛkã yenwo dwirɛ ɔ?’
4. Fa wɔnye to ase. Ɛkɔhora kobisa wɔnwo kyɛ:
-
‘Sɛ menea kyɛbɔ sona ne asiesie yenwo, anaa y’awuro berɛ a, aso ɔmaa menwu asɔre bɔ ɔkɔ ɔ, ɔne ye amammerɛ anaa?’
5. Sɛ sona ne dwudwo a, yɛ asoɛ tie ye.