Ye so Jésus asara lani

 Tapande ti Jésus afa na e nyen?

2. E peut ti sara mbeni nzoni lisoro tongana e to nda ni na mbeni tënë so anzere na zo ni.

Sara ye tongana Jésus

3. Duti nduru ti changé atënë ti mo. Komanse lisoro ni pëpe gï na ndö ti ye so mo leke na li ti mo ti tene. Komanse na mbeni tënë so li ti azo ayeke na ndö ni laso. Hunda terê ti mo:

1.    ‘Fini sango wa la ayeke dä?’

2.   ‘Nyen la avoizin, amba ti mbi ti place ti kua wala amba ti mbi ti klase ayeke sara tënë na ndö ni?’

4. Hinga ti bâ ndo nzoni. Hunda terê ti mo:

1.    ‘Nyen la zo ni angbâ ti sara ni? Peut-être lo yeke pensé na nyen?’

2.   ‘Nyen la bongo ti zo ni, fason so lo leke na terê ti lo nga na da ti lo afa na mo na ndö ti aye so lo mä na bê na ni wala ngobo ti lo?’

3.   ‘Eskê nzoni ngoi ti sara tënë na lo la?’

5. Mä ndo nzoni.

1.    Diko tënë mingi ape.

2.   Wa zo ni ti fa tënë ti bê ti lo. Tongana a yeke nzoni ti sara ni, hunda atënë.