Tɛkɛta akambo wayasha anto lɔkɔ

MPOKAMƐ LO

Tɔndɔ: “Ngandji . . . hayange wahɔ ande hita.”—1 Kɔr. 13:4, 5.

Kɛnɛ kakasale Yeso

VIDƐO: Yeso nde la womoto l’ɛtɛkɔ k’ashi

1. Enda VIDƐO kana adia Joani 4:6-9. Oma laasɔ, kana yimba lo ambola wayela anɛ:

Kakɔna kakɛnyi Yeso lo kɛnɛ kendana la womoto la ntondo ka ntatɛ nsawola la nde?
Yeso akawotɛ ate: “Ombisha yema y’ashi wa nnɔ.” Lande na kele ɔsɔ aki yoho ya dimɛna ya ntatɛ sawo?

Wetshelo akɔna wakondjaso oma le Yeso?

2. Tayosambisha onto dimɛna naka sho ntatɛ sawo l’awui wayashande lɔkɔ.

Okoya Yeso

3. Yaɔtɔnganyiyaka. Toyangake dia paka ntatɛ nsawola l’onto awui wakayatalɔngɔsɔdi. Tatɛ sawo la dui dimɔtshi diayasha anto lɔkɔ lushi lasambishayɛ. Yambola ɔnɛ:

‘Akawatshi lo tita sango?’
‘Dia dikambo diakɔna diatɛkɛta asukanyi, asekami wa l’olimu kana wa la kalasa?’

4. Sɛdingolaka. Yambola ɔnɛ:

‘Kakɔna kasala onto? Dia awui akɔna wakanyiyande?’
‘Kakɔna kamɛnya ahɔndɔ, ɛnamelo kana luudu l’onto lo dikambo di’ɔtɛmwɛlɔ kana mbekelo yande?’
‘Onde ɔnɛ ekɔ wonya wa dimɛna wa nsawola la nde?’

5. Hokamɛ.

Tɔtɛkɛtake efula.
Keketshande dia mbuta kɛnɛ kele l’otema ande. Naka kokaka, okande ambola.

ENDA NDO LO

Mat. 7:12; 1 Kɔr. 9:20-23; Flp. 2:4; Jak. 1:19

TOKE ANTO NGANDJI—NDO TOWAETƐ AMBEKI