Yeso joŋ na joŋge là

Naa had mayse see Yeso là?

2. Naa ndal yaŋ de jee ɓen de woore, hayga naa wãã we diŋ ti mo maaga á da wããge ti ɓe no.

 Joŋ doo Yeso no lay

3. Coo wããre ɓon see re maa see jee ɓe no. Ɗig ga ndo wãã ne jar naŋ diŋ wããre maaga ndo knẽ’ nen ɓe le go liŋ mo wa. Tĩĩ wer ndalge de jar diŋ ti fẽn po maaga jar wãã ti ɓe debaŋ mono. Wii jag see ɓo ga:

1.    ‘À wãã ti radiyo debaŋ diŋ ti mayne?’

2.   ‘Ndalge jar leege ɓi wo, jar maaga wùr joŋ joŋre de kããra, noga kããre ɓi maa ti lakol wo na diŋ ti mayne?’

4. Er jee ɓen de fẽẽre maaga wo de cir ti ɓe go de woore. Wii jag see ɓo ga:

1.    ‘Jee ɓen de joŋge diŋ mayne? Á de ɗiggi ti mayne?’

2.   ‘Õõbe maa ti jee ɓe no, deŋ ɓe, noga tiŋ maa ti ɓen wãã wo mayse ne ndi ti jag-Baa maaga á ni mo ne? Á wãã wo mayse ne ndi ti wer ɓe ne?’

3.   ‘Á mbe de el maaga ndi wãã wããre ne jee ɓen patala yaw?’

5. Hay co’ sugi.

1.    Wãã debaŋ wa.

2.   Joŋ nen maaga jee lan mo wãã ɗiggi ɓe lay. Hayga á joŋ yaŋ no, wii jag ɓe maa da’ wer ne ɗiggi ɓe.