KWAMBA KUYOWOYA NA ŴANTHU
SAMBIRO 1
Kunweka na Ŵanthu
Fundo: “Chitemwa . . . chikupenja vyake pera yayi.”—1 Kor. 13:4, 5.
Ivyo Yesu Wakachita
1. Wonelerani VIDIYO, panji ŵazgani Yohane 4:6-9. Kufuma apo zgorani mafumbo ghakulondezgapo agha:
Kasi Tikusambirako Vichi kwa Yesu?
2. Tingadumbiskana makora na munthu usange tingambiska nkhani iyo wanganweka nayo.
Yezgani Yesu
3. Muŵe ŵakunozgeka kusintha. Kungangamira kwambiska nkhani iyo imwe mwangunozgekera pera yayi. Yambani na ivyo ŵanthu ŵakughanaghana pa zuŵa ilo. Jifumbani kuti:
-
‘Kasi awo nkhugwira nawo ntchito, awo nkhusambira nawo sukulu panji ŵazengezgani ŵane, ŵakutemwa kuyowoya vichi?’
4. Muwoneseskenge. Jifumbani kuti:
-
‘Kasi nasanga munthu wakuchita vichi? Kasi wangaŵa kuti wakughanaghana vichi?’
-
‘Kasi ivyo munthu wavwara, umo wakuwonekera panji nyumba yake vikuvumburachi za vigomezgo panji mutheto wake?’
5. Mutegherezgenge.