Obo ri Jesu Ruru

Die Yen Avwanre Yono Mie Jesu?

2. A sa ton omamọ rẹ otaẹtakuẹgbe phiyọ siẹrẹ a da vwẹ uyovwinrota rọ cha nẹrhẹ oma vwerhen ohwo na vwọ tonphiyọ.

 Vwẹrokere Jesu

3. Dia ohwo rọ nuẹ. Wo ghwe vwo vwẹ ẹwẹn nẹ uyovwinrota rẹ wo muegbe rọyen phiyotọ na ọvo yen wọ cha vwọ ton otaẹtakuẹgbe phiyọ-ọ. Tuọnphiyọ vẹ orọnvwọn rẹ ihwo roro kpahan nonẹna. Nọ oma wẹn:

1.    ‘Iyẹnrẹn vọ yen vwomaphia vwẹ ekuakua re ghwa iyẹnrẹn?’

2.   ‘Die yen ihwo re me vẹ ayen gba dia asan ọvo, e rẹ me vẹ ayen gbe ruiruo kuẹgbe, yẹrẹ emọ rẹ iklasi mẹ ta ota kpahan?’

4. Dia ohwo ro nẹ emu sua. Nọ oma wẹn:

1.    ‘Die yen ohwo na ruẹ enẹna? Die yen a sa tanẹ o roro kpahan?’

2.   ‘Mavọ yen irhuon, omaẹvwọphia, yẹrẹ asan rẹ ohwo na dia djephia kpahen obo ro segbuyota vẹ ẹkuruemu rọyen?’

3.   ‘Ọnana ọke ro fori ra vwọ ta ota kẹ ohwo na?’

5. Kerhọ.

1.    Wọ ta ota buẹn nọ-ọ.

2.   Vwẹ uphẹn kẹ ohwo na rọ vwọ ta ẹwẹn rọyen. Nọ enọ vwẹ ọke ro fori.