KUTANDA KUWECHETANA NI MUNDU
LIJIGANYO 1
Aŵecheteje Yakwasangalasya Ŵane
Lilemba: “Chinonyelo . . . changatenda yakusaka yakwepe.”—1 Akoli. 13:5.
Yaŵatesile Yesu
1. Alolele VIDEO, kapena aŵalanje Yohane 4:6-9. Kaneko ajanje yiwusyo ayi:
Ana Yaŵatesile Yesu Yikutujiganya Chichi?
2. Naga tukutanda kuŵecheta ngani jajikumsangalasya msyenenyumba nikuti yakambilana yetu mpaka yijende chenene.
Amsyasyeje Yesu
3. Aŵeje ŵakoseka kuchenga. Akakakamilaga kukambilana ni ŵandu ngani jaŵakosechele kala wawojo kunyumba. Aŵecheteje ngani syele ŵandu ŵajinji akusiganichisya mnope masiku agano. Aliwusyeje kuti:
-
‘Ana ŵandu ŵambandikene nawo nyumba, achimjangu ŵa kumasengo, kapena ŵa kusukulu akunonyela kuŵecheta ngani syapi?’
4. Aloleje yakutenda mundu. Aliwusyeje kuti:
-
‘Ana munduju pandaŵi ajino akutenda chichi? Ana pelepa komboleka akuganisya ya chichi?’
-
‘Ana yakuwala yaweteyi, mwakuwonechelamu, soni mwajikuwonechela nyumba jakwe, yikungamuchisya chamtuli kumanyilila dini jali kapena mtundu wakusatyochela?’
-
‘Ana jeleji jili ndaŵi jambone jakuti mbechetane ni munduju?’
5. Ampikanileje pakuŵecheta.