TONA DISOLO
DILONGI 1
Tudila batu bankaka thalu
Tsikudukusu: “Luzolo . . . lutombanga ko mamboti mandi veka.”—1 Ko. 13:4, 5.
Diambu mbi Yesu kavanga
1. Tala VIDEO, voti tanga Yowani 4:6-9. Ayi tadileno biuvu biabi bilandikini:
Dilongi mbi tubeki kuidi Yesu?
2. Thonono’eto yi disolo mayi ba yimboti enati tulembo kambi batu mambu mo ma kubayangidika.
Sokudila Yesu
3. Zabanga balula disolo. Kadi nama kaka thonono mosi yi disolo yo kubikidingi. Tonina mu diambu dimosi dio batu bankaka balembo tubila mu bilumbu biabi. Wukiyuvula:
-
‘Mambu mbi bo beta kala ko ndieta vuanda, bo beta sala yama, voti bana ba nzo nkand’eto balembo tubilanga?’
4. Ba mutu nio zebi tala. Wukiyuvula:
-
‘Bue kavuatidi, bue kalembo monikina, voti nzo’andi yilembo monisa mambu mo keta wilukila ayi kikhulu kiandi?’
5. Ba mutu nio weta wa.
-
Kindisa mutu nio wunsamunina kavana mayindu mandi veka. Enati bufueni kuandi, wulenda kunyuvula biuvu.