¿Bix tu beetil Jesús?

¿Baʼax k-kanik tiʼ Jesús?

2. Ku kaʼansiktoʼoneʼ wa k-tsikbal yéetel le máakoʼob tiʼ baʼax taak u yuʼubikoʼoboʼ maas jeʼel u yóotkoʼob tsikbal t-éeteleʼ.

 Beet jeʼex Jesúseʼ

3. Kʼex tiʼ baʼax kan tʼaan. Le kéen a káajs a tsikbaleʼ tʼaanen tiʼ baʼax taak u yuʼubik u yuumil naj maʼ tiʼ baʼax taak a tsikbal teechiʼ. Tʼaanen tiʼ baʼax ku juum u tsikbaltaʼal yéetel tukle:

1.   1) «¿Baʼax ku yaʼalaʼal teʼ noticiaʼoboʼ?».

2.  2) «¿Tiʼ baʼax ku tsikbal in vecinoʼob, in wéet meyajoʼob wa in wéet xookoʼob?».

4. Le baʼax unaj a wilkoʼ. Tukulte:

1.   1) «¿Baʼax táan u beetik u yuumil naj? ¿Baʼax wal táan u tuklikeʼ?».

2.  2) «U nookʼ, le bix u yilaʼal, u yotoch yéetel le baʼaxoʼob yanoʼob tu baʼpachoʼ, ¿ku yáantken wa in wil baʼax u religión?».

3.  3) «¿Maʼalob wa ka in tʼan teʼ súutukaʼ?».

5. Chʼenxikinte.

1.   1) Maʼ a sen tʼaan.

2.  2) Chaʼa u tʼaan u yuumil naj. Le kéen a wil maʼalobeʼ beet kʼáatchiʼob.