Ni biʼniʼ Jesús

¿Xi rusiidiʼ ejemplu stiʼ Jesús laanu?

2. Zándaca galán zuinenu binni diidxaʼ pa guzulú guinínenu laacaʼ de xiixa ni riuuláʼdxicaʼ.

 Yenanda ejemplu stiʼ Jesús

3. Guca naguudxi. Cadi guzulú guiníʼneluʼ binni de ca cosa ni riuuláʼdxiluʼ, sínuque guníʼ ni riuulaʼdxiʼ binni ni caníʼneluʼ. Bichaa modo maca runi predicarluʼ ne guníʼ ique:

1.    «¿Xi cadiʼdiʼ lu noticia yanna?».

2.   «¿Xii nga ni nabé riníʼ ca vecinu stinneʼ, ca compañeru de dxiiñaʼ ne ca compañeru de scuela?».

4. Biiyaʼ chaahuiʼ. Guníʼ ique:

1.    «¿Xi cayuni binni riʼ? ¿Xi caníʼ íquebe?».

2.   «Ora guuyaʼ lídxibe, xhábabe ne modo rihuínnibe, ¿ñee rudieeʼ cuenta xi runi crebe o padé laabe la?».

3.   «¿Ñee zanda guinieniaʼ laabe oraríʼ la?».

5. Bicaadiaga.

1.    Cadi puru lii guiniʼluʼ.

2.   Bidii lugar guiníʼ binni ca. Ne ora gúʼyaluʼ zanda la? gunabadiidxaʼ laabe xiixa.