Абжьааԥнеиԥш шәцәажәала

АРҲӘАРА

Абиблиатә принцип: «Шаҟа ибзиоузеи ианаамҭоу иҳәоу ажәа!» (Ажәам. 15:23).

Филипп уи шыҟаиҵоз

АВИДЕОНҴАМҬА «Филипп ефиопиатәи ахаҵа ажәабжь бзиа изеиҭеиҳәоит»

1. Шәахәаԥш АВИДЕОНҴАМҬА, мамзаргьы шәаԥхьа Аусқәа 8:30, 31. Анаҩс шәрызхәыц абарҭ азҵаарақәа:

а) Дышԥалагеи Филипп ацәажәара?
б) Избан ус ацәажәара алагара зыбзиаз? Ицхраама уи Филипп ахаҵа аҵабырг изеиҭаҳәара?

Филипп иҿырԥшы иаҳнарҵо

2. Абжьааԥнеиԥш шәцәажәалар, шәзацәажәо ауаҩы шәацәажәара изымариахоит, насгьы ажәабжь бзиа азыӡырҩра дазхиазаауеит.

Филипп шәиҿыԥшла

3. Шәыкәша-мыкәша иҟоу гәашәҭала. Ауаҩы ихаҿсахьеи, игылашьеи, ихымҩаԥгашьеи иуеилнаркаауа рацәоуп. Дазхиоума иара шәацәажәара? Абиблиа аҟынтә зхәыцрак ааганы, абас шәиазҵаар шәылшоит: «Ижәдыруазма шәара...». Ауаҩы шәацәажәара иҭахымзар, идшәымцалан.

4. Ачҳара аашәырԥшла. Шәахымыццаклан ауаҩы Абиблиа иану иаразнак изеиҭаҳәара. Уи азы ианаало аамҭа шәазыԥшы. Уи иаразнак ишәзалымҵзаргьы, анаҩстәи шәеиҿцәажәараан уи аҩыза алшара шәоур алшоит.

5. Шәзацәажәо иҭагылазаашьақәа шәыҽрықәшәыршәала. Шәеицәажәара даҽа темак ахь ииасыр алшоит. Убри аҟынтә аԥхьанатә темак алацәажәара шышәҭахызгьы, ауаҩы еиҳа игәаԥхо зхәыцрак изеиҭаҳәара шәазхиаз.

ШӘАХӘАԤШ ИАРА УБАС

Еккл. 3:1, 7; 1 Кор. 9:22; 2 Кор. 2:17; Кол. 4:6

АУАА БЗИА ИЖӘБАЛА. АҴАҨЦӘА АЗЫҞАШӘҴАЛА