LÉ ÀWƐ ATƆ SEŊ KANKAN JI NYWIÐE
ENUKPLAKPLA 2
Xo nuxu le jɔjɔmɛnu
Gɔnmɛɖose: “Nuxu jɔjɔɛ le gamɛ jɔjɔɛ mɛ nyi enu nywi sugbɔ.”—Elo. 15:23.
Lé Filipu Wɛ Do
1. Kpɔ VIDEO lɔ, alo hlɛn Edɔwawawo 8:30, 31. Le yi goduɔ, gbeje nyɔbiɔse ciwo yí gbɔgbɔ mɛ:
Nyi Mìkpla So Filipu Kpɔwɛ Lɔ Mɛɔ?
2. Nɔ mìɖe mɔ yí seŋkankan lɔ yi ji le jɔjɔmɛnuɔ, kankandoji li mɔ, mɛ lɔ avoŋ yí alɔn akan seŋ koɖo mì so mìwo ŋɛdu lɔ nu.
Sran Filipu
3. Lenɔ ŋkuvi do nuwo nu. Lé mɛɖe hwankɔ do koɖo lé ewakɔ ŋmɛ do, atɛnŋ ana yí nànya enu sugbɔ so nu. Mɛ lɔ lɔn faa mɔ yeaxo nuxu koɖo eoa? Àtɛnŋ atɔ nuxu xoxo so Bibla nyɔnɔnwi ɖe nu nɔ èbiɔ se kpoŋ mɔ: “Ènya mɔ . . . ?” Nɔ mɛɖe deji mɔ yeaxo nuxuɔ, ŋgbeʒin ji o.
4. Do ʒinxo. Ŋgbemɔ yeaxo nuxu so Bibla mɛ nyɔnɔnwi ɖe nu le afɔdumɛ o. Nɔ te nɔ emɔ nywitɔ ahun nɔ eo yí nawɛ le jɔjɔmɛnu. Hweɖewonuɔ, aʒan mɔ ànɔ te keke aɖo hwenu eo koɖo mɛ lɔ agbedo go gabumɛ.
5. Trɔnɔ do nɔnɔmɛwo nu. Seŋkankan lɔ tɛnŋ va trɔkpe fibu le maɖoŋdonu mɛ. Eyi taɖo lɔn faa anu Bibla mɛ nyɔnɔnwi bu ci yí sɔ koɖo mɛ lɔ susu, nɔ eto akpo nɔ ci yí le susu mɛ nɔ eo sa can.
