КУУЧЫНДЫ БАШТАГАР
2 УРОК
Эптӱ куучындаары
Библиялык принцип: «Ӧйинде айдылган сӧс кандый јакшы!» (Укаа 15:23).
Филипп нени эткен?
1. ВИДЕО кӧрӱгер эмезе Апостолдордыҥ ижи 8:30, 31 кычырыгар. Оноҥ бу сурактарды шӱӱп сананыгар:
Филипптеҥ неге ӱренедис?
2. Куучын эптӱ болзо, кижи эби-јоксынбай, сӱӱнчилӱ јарды јакшы угар болор.
Филипптеҥ тем алыгар
3. Ајарып кӧрӱгер. Кижиниҥ чырайынаҥ, кыймыгынаҥ ла канайып турганынаҥ кӧп неме билип аларга јараар. Ол кижи куучындажарга белен бе? Эйе болзо, кижиге кандый бир библиялык шӱӱлтени кӧргӱзип берерге јараар. Мыны эдерге: «А слер билгенеер бе...?» — деп, сурак берип ийигер. Је кижи куучындажарга кӱӱнзебей турза, куучынды оноҥ ары улалтарга албаданбагар.
4. Чыдамкай болугар. Агару Бичик керегинде айдарга меҥдебегер. Карын эптӱ ӧйди сакып алыгар. Кезикте мындый айалга јӱк экинчи катап куучындашкан тушта келижет.
5. Кижиниҥ кӱӱнин ајаруга алыгар. Куучын кезикте солына берердеҥ айабас. Оныҥ учун белетеп алган темагар кижиге јилбилӱ эмес деп билдирип турза, оны бу кижиге јилбилӱ болотон темага солып ийерге белен болугар.
