BÔDÔL NKWEL
YIGIL 2
Ba wemede
Litiñ: “Lipôdôl i ngéda i kôli, li yé lilam kiyaga!” —Bingéngén 15:23.
Kii Filipô a bi boñ
1. Béñge VIDÉÔ, tole añ Minson mi baôma 8:30, 31. I mbus timbhe mambadga mana:
Kii ndémbél i Filipô i niiga bés?
2. Ibale di nwas le nkwel u kee ni womede, hala a ga boñ le i mut a ñemble bés a bôdôl bés ñem, a ba ki maséé i kwel ni bés.
Kôna Filipô
3. Béñge mam ma nkéña bôt. U nla pam i yi ngandak mam inyu mut ibale u mbéñge minyiñgha nwé, ni su wé. Baa i mut nu a gwé ngôñ i kwel ni we? U nla jubus nkwel u Bibel ni ini mbadga le: “Baa u yik le . . . ?” U nyégsa bañ mut i kwel ibale a gwé bé ngôñ.
4. Bana wongut. U hoñol bañ le u nlama ndik bôdôl nkwel ni mam ma Bibel. Bem loñge ngéda, nwas le nkwel u kee ni womede. Ngim mangéda, i ga béda le u bem i ngéda u ga tiimba lo i yuuga nye inyu jubus nkwel u Bibel.
5. U ba bañ ndéñ ndéñ. Nkwel u nla hoo héñha. Jon ba bebee i kwel ni i mut i ño nkwel u nlémél, to ibale u yé mahéñha ni i yom u ban-ga i mahoñol.