STATEM WAN STORIAN
LESEN 2
Toktok Olsem We Yu Storian Nomo
Stamba Trutok: “Tok we man i talem long stret taem, !i gud tumas!”—Prov. 15:23.
?Filip i Mekem Wanem?
1. Wajem VIDEO, o ridim Ol Wok 8:30, 31. Biaen askem ol kwestin ya:
?Yumi Lanem Wanem Long Eksampol Blong Filip?
2. Sipos yumi toktok olsem we yumi storian nomo, bambae man i no fraet mo i rere blong storian wetem yumi.
Folem Eksampol Blong Filip
3. Lukluk man. Yumi save lanem plante samting long wan man, taem yumi lukluk fes mo aksen blong hem. ?Man ya i glad blong toktok wetem yu? Maet yu save stat blong tokbaot wan topik blong Baebol, taem yu askem wan isi kwestin olsem: “?Yu yu save se . . . ?” Yu no mas fosem man blong storian sipos hem i no wantem toktok.
4. Gat longfala tingting. Taem yu mitim wan man, i nogud yu kwik blong tokbaot wan topik blong Baebol wetem hem. Yu mas wet go kasem taem we yu luk se i stret. Maet hemia i save minim nekis taem we yu storian wetem man ya bakegen.
5. Rere blong jenisim storian. Maet man i stat blong tokbaot wan samting we yu no ekspektem. Taswe, yu mas rere blong jenisim storian blong yu mo tokbaot wan samting we bambae i givhan moa long hem, nating se i defren long wanem we yu wantem tokbaot.