GUMESE HUMÉI YANU
ARUFUDAHANI 2
Ígira humá lun lawanserun yanu lau lumenrengun
Adundehani tídangiñeti Bíbülia: “Ma lubuidun dan le ladarirúniwa óunabagülei le richabei; dan létima liabin lidan dan!” (Ari. 15:23).
Le meha ladügübei Felipe
1. Ariha huméi BIDÉU o aliiha huméi Adügaü 8:30, 31. Ábameti hasaminarun luagun álügüdahani burí le:
Ka wafurendeirubei lúmagiñe Felipe?
2. Chóurutimati buídubei lan hasandiragun gürigia houngua wama ani aranseñu haba lan lun haganbuniwa ánhawa ígira lun léibaagun yanu lau lumenrengun.
Áyeiha huméi Felipe
3. Teni humá lun le geyegubei hau. Segunme harihini ligibu gürigia luma ligaburi lesetirun, ka gayaraabei hasubudiruni luagu? Genegeti san busén lan layanuhan? Ménrengunti wagumeserun ayanuha tuagu Bíbülia lau wadügün álügüdahani kéiburi le: “Subuditi san hun…?”. Ánheinti mabusenrun lubéi gürigia layanuhan huma, ígira huméi lungua.
4. Gaguraasun humá. Masaminara humá mosu lan hagumeserun ayanuha tuagu Bíbülia lau lóufudagun. Ígira humá lun lawanserun yanu, dánmeti harihin gayaraahali lan, ligíaalime hayanuhan tuagu Bíbülia. Másiñati darihali lanme amu weyu hibiha hayanuhan lun gürigia ligía tuagu Bíbülia.
5. Aranseñu humá lun hadügün asansiruni. Anhein agumesera gürigia ayanuha luagu aban katei le magurabun humuti, sansi huméi le yebe hasaminarubei hariñagun lun hagumeserun ayanuha luagu le adügübei lun láhüchürün gürigia ligía.
ARIHA HUMÉI GIÑE
Apur. 3:1, 7; 1 Ko. 9:22; 2 Ko. 2:17; Kol. 4:6
