BIAHRAM THAWKNAK
CAWN DINGMI 2
Aa Tlakmi Biaruahnak Siter
Baibal Phunglam: “A caan he a hmaanmi bia fang khat cu zeitluk in dah a ṭhat deuh.”—Ptb. 15:23.
Filip Nih Zeidah A Tuah?
1. VIDEO kha zoh asiloah Lamkaltu 8:30, 31 rel. Cun a tanglei biahalnak hna hi i ruah u:
Filip Sinin Zeidah Kan Cawn Khawh?
2. Aa tlakmi biaruahnak kan ngeih ahcun midang nih kan chimmi kha ngaih an duh deuh lai i an sia zong a rem deuh lai.
Filip Kha I Zohchunh
3. Ngia hna. A mithmai le a umtu na zohnak thawng in mi pakhat kha a kong tampi na hngalh khawh. Nangmah he biaruah a duhmi a lo maw? A lawh ahcun “. . . kong na thei bal maw?” tiah a sawhsawh tein na halnak thawng in Baibal biatak kong kha na chimh khawh. Bia ruah a duh lomi pakhat kha bia ruah awkah hnek chih hlah.
4. Na lungsau. Baibal biatak kong kha ka chimh colh awk a si tiah ruat hlah. Ṭha tein bia na ruah khawh nakhnga aa tlakmi caan kha hngak. Mah cu a caan ah mi pakhat he bia i ruah awkah a hnu nan i ton ṭhan tiang hngah a hau kho men tinak a si.
5. A herh ning in thlennak tuah. Mi pakhat nih naa ruahchan lomi bia hna a hun chim khawh men. Cucaah a chimmi cu naa timhtuahmi he aa lo lomi a dang Baibal biatak a si hmanh ah amah he aa tlakmi kong kha lungtho tein chim.
MAH BAIBAL CAANG ZONG HI ZOH
Pct. 3:1, 7; 1 Kor. 9:22; 2 Kor. 2:17; Kol. 4:6
