NTE ỌKPỌTỌN̄ỌDE NNEME
UKPEPN̄KPỌ 2
Nam Nte Eneme Nneme
Se Bible Etịn̄de: “Ikọ eke ẹtịn̄de ke nnennen ini ọfọn didie ntem!”—N̄ke 15:23.
Se Philip Akanamde
1. Se VIDIO emi, mîdịghe kot Utom 8:30, 31. Ekem bọrọ mme mbụme emi:
Nso ke Ikpep Ito Philip?
2. Edieke inamde nte ineme nneme, oro ekeme ndinam enenem owo emi itịn̄de ikọ inọ ndikop se itịn̄de.
Kpebe Philip
3. Kama enyịn se se ikade iso. Nte owo akamade iso ye nte enye anamde n̄kpọ ekeme ndinam idiọn̄ọ m̀mê enye ayama ndikop ukwọrọikọ. Ndi owo oro ama ndineme nneme ye afo? Emekeme nditọn̄ọ nneme Ikọ Abasi ke ndibụp utọ mbụme nte, “Ndi ọmọdiọn̄ọ ke . . . ?” Edieke owo mîyomke ndikop ukwọrọikọ sion̄o idem kpọn̄ enye; kûnam edi amama ye mûmaha.
4. Nyene ime. Kûkere ke akpana ọtọn̄ọ nneme Ikọ Abasi ata idahaoro. Bet ekem nnennen ini. Ndusụk ini, ekeme ndidi edikeme ndineme Ikọ Abasi ama afiak edi ebịne owo oro.
5. Kpụhọde tiene nte nneme akade. Owo emi etịn̄de ikọ ọnọ ekeme nditọn̄ọ ntịn̄ n̄kpọ emi mûkekereke-kere. Ntre ben̄e idem ndineme se idin̄wamde owo oro, idem ọkpọkọm oro ọwọrọ ndikpụhọde se okoyomde ndikwọrọ n̄kwọrọ n̄kpọ en̄wen.
