ATÜJAINJACHI PIA YOOTIRAWAA
EKIRAJAAYA 2
Yooto pia
Pütchi shiyuʼluushika anainjee: «Anasü maʼin wanee pütchi aküjünaka wanaa sümaa choʼujaain maʼin shia» (Prov. 15:23).
Tü sukuwaʼipakat nutuma Felipe
1. Pünaja tü VIDEOKOT jee shiale paashajeʼerüin Aluwataaushikana 8:30, 31. Süchikijee tia püsakira sünain pütchikat tüü:
Tü watüjakat nünainjee Felipe
2. Yootule waya nümaa wanee wayuu eesüjaʼa aneerüle naaʼin wamaa otta naapajeerü tü pütchi waküjakat nümüin.
Waaʼinra tü naaʼinrakat Felipe
3. Jülüja paaʼin wanee kasa. Pütüjaajeerü aaʼu jamüin maʼin nukuwaʼipa wanee wayuu jülüjale paaʼin nüikalaaya otta nuʼupünaa. ¿Jaʼyasüche naaʼu chi wayuukai yooteein nia pümaa? «¿Paapüirü achiki tüü . . . ?», eeshijaʼa süpüla pümüin nümüin wanee wayuu süpülapünaa paashajaain nümaa süchiki tü sümakat tü Bibliakat. Nnojo püpüleeruain naaʼin wanee wayuu nnojoire naashajaweein pümaa.
4. Nnojo püshapajaain. Nnojo jülüjain paaʼin püküjamaatüinjachin tü sümakat tü Bibliakat. Nnojo püshapajaajaain meechika yootokoi neʼe paaʼin püküjapeena tü sümakat tü Bibliakat. Eeshijaʼa yooteechire pia nümaa chia wayuukai wane pukueena.
5. Yooto pia süchiki tü yooteekalü achiki wanee wayuu. Eeshijaʼa nüküjeechire chia wayuukai süchiki wanee kasa nnojotka jülüjain paaʼin yootuinjachin achiki pia nümaa, shiakalaka anain aluʼu püküjale nümüin wanee pütchi suluʼujeejatka tü Bibliakat kamalainjeetka nümüin, jaʼitasü naatain shia suulia tü pütchi püküjainjatiaakalü achiki.
PÜNAʼLA TÜ SÜMAKAT
Ecl. 3:1, 7; 1 Cor. 9:22; 2 Cor. 2:17; Col. 4:6
