TRYING FO TALK STORY DA FIRS TIME
LESSON 2
Let Um Flow
Bible trut: “Wen you tell um someting dey need fo hear right den an dea, dass real good!” —Smart Guys 15:23.
Wat Philip Wen Do
1. Watch um da VIDEO, o read um Jesus Guys 8:30, 31. Den tink about da questions:
-
How Philip wen try fo start talking story?
-
Wen he wen talk story, how he wen go wit da flow? How dat wen help him teach da Etiopia guy someting new?
Wat We Learn From Philip?
2. If we let tings go wit da flow wen talking story, den da odda person going feel moa relaxed, an going like lissen to wat we share.
Copy Philip
3. Pay attention. We can tell a lot about somebody by da way dey look: can see um in dea face an da way dey ack. Look like da guy like talk story wit you? You can share one Bible trut by asking um, “You wen know dat . . . ?” If dey no like talk story wit you, no force um.
4. Try wait. No feel dat you gotta talk about da Bible right away. Go wit da flow an wait fo one good time. Maybe we gotta wait fo da nex time fo share someting wit da person.
5. Be ready fo change um up. Da person might start fo talk story about someting dat throw us off. So be ready fo share someting dat match up wit wat da person talking about, even if dass diffren from wat you was going talk about at da start.
