NGEPUNKA RANDAU
PELAJAR 2
Berandau Baka Biasa
Prinsip: “Naka meh pengaga tetemuka leka jaku ba maya ti ngena.”—J-lam. 15:23.
Nama Utai Ti Digaga Philip?
1. Peda VIDEO, tauka bacha Surat Kereja Rasul 8:30, 31. Udah nya, perundingka sekeda tanya tu:
Nama Ulih Dipelajarka Kitai Ari Philip?
2. Enti kitai enda kelalu beguai-guai deka berandau pasal topik Bup Kudus, orang bukai deka rileks agi. Lalu, iya engka deka ninga pesan ke ditusui kitai.
Neladan Philip
3. Peratika gaya orang. Asai ati sesiku orang ulih dipeda ari mua sereta gaya tubuh iya. Kati orang nya deka bejaku enggau nuan? Nuan ulih ngepunka randau pasal Bup Kudus enggau chara nanya iya, “Kati nuan nemu . . . ?” Enti orang nya enggai bejaku enggau nuan, anang meh mejal iya.
4. Sabar. Nuan enda ibuh terus berandau pasal Bup Kudus enggau iya tekala nya. Nuan ulih nganti nyentukka bisi peluang bukai kena belubah-lubah berandau pasal Bup Kudus enggau iya. Kekadang, nuan engka patut nganti maya bukai alai nuan ulih berandau enggau iya pasal Bup Kudus.
5. Sedia ngubah randau. Iya engka berengkah berandau pasal topik bukai. Tang nuan engka udah besedia deka berandau pasal topik ke bukai. Taja pia, nuan patut nunjukka ajar Bup Kudus ti ngena ngagai orang nya.
PEDA MEGA
P-jar. 3:1, 7; 1 Kor. 9:22; 2 Kor. 2:17; Kol. 4:6
