DỌMWỤ NYA ẸLA OYAYA Ụ-ỤGBẸYỊ ỌNYỊỊLA
ANG ỌJẸ́JẸ 2
Ya Ẹla Gbagbịla Bwu Ọkịlẹtụ
Itiwe nya Ehile: “Ẹla ọ-wẹ pwoku lụka opwoku chakpa hiigu”—Etu. 15:23.
Ang Ọlẹ ká IFilipu Họ
1. Yẹ IFIM ọwẹ, lee wa Ụkụrwọ nya Alẹrụ 8:30, 31. Ká kụ ẹhị yẹ ịtọ ẹla ileji ịlẹ:
Ẹlịyẹ Ahị Tị́ Jẹ́ Bwu Ẹga nya IFilipu?
2. Kori kahị dọmwụ nya ẹla oyaya nyahị ụ-ụgbẹyị ọlẹ kọ la gbagbịla, ọ ka chị iru nya angịnyị kpẹẹ la ọ-ka ke ụrụ la ẹrụ ọnyịịla ọlẹ kahị kpa ka ẹga nyaa.
Ba Ọgụ-ẹpẹtẹ nya IFilipu Jẹ
3. Yẹhị reeji. Ahị ka jẹ́-ẹ jẹ́ ang lụmẹ-lụmẹ u-uhye nya ọngịnyị bwula ọ-yọọ jaabwọ kọ godayị, ịnyịrọ ọ-kpa họ nyamwụ bala ọ-mwụrụ yọọ ẹ-ẹpwụ nya ẹhị. Ọngọọwa nwụlanọ nyọka ya ẹla balang? À ka jẹ́-ẹ dọmwụ nya ẹla oyaya bwu ịBayịbụụ myị bwula ọ-tọ ịtọ ẹla lala, “À jẹ́ nyori . . . ?” Á kpa ẹla tụ́ ọngịnyị tụtụ kori kọ tịtọ nyọka ya ẹla ka lẹ ka.
4. Ju ugbodu. Ọ́ lang lala o-ri, o-ri opyii ká ka ya ẹla ọhẹ bwu ịBayịbụụ ta ọngịnyị ahyaahị ka. Dayị gbe ụka ọlẹ kọ ka pwoku nyọka ya ẹla ọọwa. Ụka ọhẹ dọmwụ, à ka dayị gbe ụka ọkịla ọlẹ kanụ ka tọ awụlẹ ene ká ka ya ẹla bwu ịBayịbụụ.
5. Yẹda pwoku iwe-ahụrụ. Ọngọọwa ka dọmwụ ya ẹla ọkịla ọlẹ ká me irya ka myị. Lẹ nwụlanọ nyọka ya ẹla ọlẹ kọ ka ju apyobwuna ha ọngọọwa, kori kọ dọmwụ ri ọ-ka ya ẹla ọkịla bwu ịBayịbụụ datị hi ọlẹ ká la i-irya ene-ene.
