KỊMỊ MỌ KORO ẸRẸTEIMỤ BARA MỊ
TOLUMỌYỌ 2
Izoukụmọ
Bible tolumọye: “Agbẹị ifie ẹrẹmịnị egberi bị—ebi emi!”—Prov. 15:23.
Philip Mịẹye Bị
1. VIDIO dii, anịghakpọ Acts 8:30, 31 goo dá, bei biibịbịbo kẹrị iroro:
Philip Mịẹye Bị Te Ka Kị Wó Tolumọ Ma O?
2. Omịnị izougha bara akị kịmị mọ ẹrẹtei daba, ụbọ mị wó egberi pei bá dịsẹnana wẹrị wó mọ ẹrẹtei a paaemi.
Philip Dimịẹ
3. Ye leleipẹlẹ. Ụbọ emibara mị egberigbaa wó dịa a paaemi. Ụbọ bị ị́ mọmọ́ ẹrẹtei dọụemi a? “Ị́ kpọ nimi wẹrịemi a . . . ?” biibịbị ị́ mọ kọn kịmị bii wẹrị Bible duo egberigbaa ụbọ pịrị a paaemi. Egberi peidọụgha kịmị penimọkụmọ.
4. Etipou. Izoumọ-izoumọ bara Bible mị akị ụbọ mọ ẹrẹtei mọ bara mịẹkụmọ. Korutimi agbẹị ifie laa, anịkị ị́mịnị fomuun nana wẹrị ebibara ụbọ mọ ẹrẹtei a paadẹ. Kaanghaba, zụa ifieama ị́mịnị korutimi zịnị ifie kị laa kpọ paaemi.
5. Bẹbẹ ụwọụ-ama akị egberigbaa. Ẹrẹtei mị iné tọngha bara paa kpọ paaemi. Anịduonị ị́mịnị iné gbaa dọụtimi egberi dei kpọ paaemi, mọabịkpọ Bible bọọ yelaa ụbọ pịrị a paaemi egberi gbaa ụbọ pịrị.