EPANỌ A RE RO MU ẸME HỌ
Acts 8:30, 31
UWUHRẸ AVỌ 2
Rọ Ẹmẹrera Ruọ Ẹme Na
Oware nọ Ebaibol ọ ta: “Ẹme nọ a ta evaọ ẹruoke o re woma kẹhẹ!”—Itẹ 15:23.
Oware nọ Filip O Ru
1. Rri IVIDIO na, hayo se Iruẹru Ikọ 8:30, 31. Kẹsena whọ vẹ kẹ iyo enọ nọ e rrọ obotọ na:
Eme Ma Wuhrẹ Mi Filip?
2. Ma tẹ rọ ẹmẹrera ruọ ẹme, ẹsiẹe udu o te mai te ohwo na otọ, ọ vẹ te gaviezọ kẹ ovuẹ mai.
Rọ Aro Kele Filip
3. Muẹrohotọ. Oghẹrẹ nọ ovao ohwo o rrọ gbe oghẹrẹ nọ o bi ru o sai fiobọhọ kẹ owhẹ riẹ oware nọ o bi roro. Kọ who roro nọ ohwo na ọ gwọlọ lele owhẹ ta ẹme? Whọ sae nọ onọ kpahe oware jọ evaọ Ebaibol na inọ, “Kọ whọ riẹ nọ . . . ?” Whọ tẹ ruẹ nọ ohwo ọ gwọlọ lele owhẹ ta ẹme he, whọ gbae họ họ.
4. Wo odiri. Who du roro nọ ẹme Ebaibol who re ro mu ẹme họ ẹta kẹ ohwo na okioke yena ha. Hẹrẹ bọo oke nọ o mai kiehọ nọ whọ sae rọ rehọ ẹme Ebaibol ze. Ẹsejọ dede, o sae gwọlọ nọ whọ rẹ hẹrẹ te oke ọfa nọ who ti ro lele ohwo na ta ẹme.
5. Hai nwene ẹme nọ whọ be ta. Ẹsejọ, ohwo na ọ sae ta ẹme jọ ze nọ who rẹro riẹ hẹ. Fikiere ruẹrẹ oma kpahe re whọ ta ẹme nọ u ti fiobọhọ kẹ ohwo na, o tẹ make rọnọ oyena who wo họ iroro vẹre he.
