TIMLILIT TAMEZWARUT
TIMEƔRI 2
Hdeṛ akken i theddṛeḍ kul ass
Amenzay: “Acḥal yelha wawal i d-iffɣen s lqis” (Lem. 15:23).
Lemtel i ɣ-d-yeǧǧa Filibus
1. Wali BIDYU-YAGI neɣ ɣer-ed Lecɣal 8:30, 31. Mbeɛd, xemmem ɣef yesteqsiyen i d-iţeddun.
Ayen i d-nelmed sɣur Filibus
2. Akken ad yeqbel walbeɛḍ aţ-ţhedṛeḍ yid-es yerna a s-yeɛǧeb lḥal, anef-as i lhedṛa a d-tas weḥd-es mebla ma theggaḍ-d swaswa ayen ara d-tiniḍ.
Ɛaned Filibus
3. Ţţarra ddehn-ik. Udem n walbeɛḍ d ṣṣura-s meṛṛa ţɛawanen-aɣ a nefhem d acu i geţxemmim. Ma twalaḍ belli win ukud i theddṛeḍ yebɣa a k-d-iḥess, tzemreḍ a s-thedṛeḍ ɣef Wedlis Iqedsen w’a s-tiniḍ: “Teẓriḍ belli...?” Ma twalaḍ belli ur yebɣi ara, ur t-ḥerreṣ ara.
4. Sɛu ṣṣber. Mačči bessif aţ-ţhedṛeḍ din din ɣef Wedlis Iqedsen. Axiṛ aţ-ţeṛǧuḍ alamma teţţunefk-ak tegniţ. Tikwal, alamma tuɣaleḍ ɣur-es tikkelt nniḍen ara s-thedṛeḍ ɣef Wedlis Iqedsen.
5. Ili-k tweǧdeḍ aţ-ţhedṛeḍ ɣef wayen nniḍen. I ma ihdeṛ-ak-d ɣef temsalt nniḍen? Ddu-yas di lebɣi thedṛeḍ-as ɣef temsalt i s-iɛeǧben i neţţa, xas akken theggaḍ-d uqbel ayen ara d-tiniḍ.
