TIKIBʼ AATINAK
TZOLOM 2
Aatinan joʼ nakaabʼaanu rajlal
Li naxye li Santil Hu: «Kʼajoʼ sahilal naq naʼuxk aatinak [ . . . ] saʼ xhonalil» (Prov. 15:23).
Li kixbʼaanu laj Felipe
1. Taawil li BʼIDEO malaj taayaabʼasi Hechos 8:30, 31. Chirix chik aʼan taatzʼil rix ebʼ li patzʼom aʼin:
Kʼaru naqatzol rikʼin laj Felipe?
2. Wi nokooʼaatinak joʼ naqabʼaanu rajlal, maare li qas qiitzʼin sa trekʼa ribʼ ut traj qabʼinkil.
Kʼam aawe rikʼin laj Felipe
3. Il li wank saʼ laasutam. Kʼaru naxye aawe li rilobʼaal ut li raatin? Ma nakʼutunk chiru naq naraj aatinak? Naru nakaatikibʼ aatinak chirix li Santil Hu yal rikʼin xyeebʼal: «Ma nakaanaw naq…?». Wi inkʼaʼ naraj aatinak, maamin ru.
4. Taayuʼami li kuyum. Maakʼoxla naq saʼ junpaat tat-oq chi aatinak chirix li Santil Hu. Toj taawoybʼeni joqʼe tzʼaqal xhoonalil re xbʼaanunkil aʼin. Maare taabʼaanu saʼ jun sut chik naq tat-aatinaq rikʼin li qas qiitzʼin.
5. Maare taajal li naʼlebʼ li xaakawresi chaq. Maare tjalaaq li naʼlebʼ li xaakʼubʼ chaq. Maawoksi li naʼlebʼ li xaakawresi chaq, tat-aatinaq bʼan chirix li naʼlebʼ li yook wiʼ xkʼaʼuxl li qas qiitzʼin.
TAAYAABʼASI AJWIʼ
Ecl. 3:1, 7; 1 Cor. 9:22; 2 Cor. 2:17; Col. 4:6
