Ebya Filipo Akolha

Ni Byahi Ebya Thuk’ighira oku Filipo?

2. Thwamatsukisya omukania omo nzira ya buli kiro, ikyangana leka oyo thukathulira iniayowa buholho kandi inianza erihulikirira omwatsi wethu.

 Gherereraya Filipo

3. Lebaya ebiri aho. Ebiminyikalho by’obusu n’eby’omubiri byangana bisulha bingyi oko mundu. Mbwino ananzire erikania nawu? Wangana tsuka erikania okwa kwenene ye Biblia omw’ibulya wuthi, “Wunasi ngoku . . . ?” Yihighule okw’iyikaka erikania n’omundu oyuthanzire erikania nawu.

4. Ghumisirizaya. Isiwayowa wuthi wutholere iwahikira okw’ikania okwa kwenene ye Biblia. Linda akaghisa akatholere nuku wangakania omwa mibere ya buli kiro. Okwa bundi buthuku, eki kyangana manyisya erilinda ekindi kiro ekya wukendi syakaniryamo nayu.

5. Ghenda-ghendanaya n’emibere eyiriho. Omundu angana tsuka erikania okwa myatsi eya wuthayitheghekere. Neryo ibya iwunayitheghekire erikania oko mwatsi mulebe ogho akayithagha, nomwakine indi ekyo kikendi leka iwakania oko mwatsi ogho wuthalhue wuyitheghekere.