MUHTWACWACACK SIE MWE SRAMSRAM
MWE LUTLUT 2
Lwelah Sramsram An In Fahlac Wo
Oakwuck Wowo: “Mwe engan na yohk in konwacack kahs fal nuhke srihpac se luhn pacl sac!”—Soa. 15:23.
Meac Philip El Oruh
1. Liye VIDEO se, kuh riti Orekma 8:30, 31. Tohkohyang nuhnkuh ke kihsen siyuck inge:
Meac Kuht Kuh In Lotwelah Kacl Philip?
2. Kuht fin oruh sramsram lasr uh in fahlac wo, sahp mwet sacn ac fah pwacr in sramsram ac engan in lohng pweng lasr uh.
Etahel Philip
3. Lohacng ahkwoyac. Oasr ma kuht kuh in lotwelah ke atacn ngwetngwet ac mukuikui luhn monin mwet se. Yac mwet sacn luhman luhngse in sramsram nuh sum? Sahp kom kuh in muhtwacwacack sramsram ke sie ma pwacye in Bible ke kom siyuck, “Yac kom etuh lah . . . ?” Nikmet pahtok mwet sacn in sramsram nuh sum fin el sruhnga in sramsram.
4. Mongfihsracsr. Nikmet nuhnkuh muh kom enenuh in sa na muhtwacwacack sramsramkihn Bible. Soano pacl wo tuh kom in kuh in sramsramkihn ma inge ke inkacnek wo. Sahp kom kuh in oruh ma inge ke kom sramsram nuh sin mwet sacn ke pacl tok uh.
5. Ikihl mwe sramsram an. Sahp mwet se el muhtwacwacack in sramsramkihn ma se ma kom tiac nuhnkuh kac. Pwacnacng, kom in orekmakihn sie mwe sramsram ma ac kuh in kahsruh mwet sacn, finne tiac pa ingacn ma kom ahkolah in sramsramkihn uh.
