BYA KUTENDEKA MWISAMBO
LUFUNJISHO 2
Kutendeka Bulongo Mwisambo
Jifunde: “Byambo byaambiwa pa kimye kyafwainwa, byawama bingi!”—Maana 15:23.
Byaubile Filipa
1. Tambai VIDYO, nangwa tangai Byubilo 8:30, 31. Kepo mwisambe ano mepuzho:
Ñanyi Bintu byo Twafunjilako kwi Filipa?
2. Inge twatendeka mwisambo mu jishinda jisakwitulengela kwisamba na muntu bulongo, kikakwasha ye tubena kwisamba nanji kukasuluka ne kuswa kuteleka ku bukine bo tusapwila.
Ubainga Byaubile Filipa
3. Monainga bintu byo biji. Mukayuka bintu byavula bingi pa biji muntu ye mubena kwisamba nanji. Mukamwena ku ñimeno yanji, byo abena kwingijisha maboko ne mmwekelo ya kilungi kyanji. Nanchi uno muntu ubena kukebesha kwisamba ne anweba nyi? Mwakonsha kutendeka kwamba pa mutwe umo wa mu Baibolo ne kumwipuzha’mba: “Nanchi mwayuka’mba . . . ?” Kange mukanjikizhenga kwisamba na muntu ubena kubula kukeba kwisamba nenu ne.
4. Tekanyainga. Kange mufikenengatu kutendeka kwisamba na muntu pa bya mu Baibolo ponkapotu ne. Tendekelaipo kwisamba pa bintu bikwabo apa bino mwaamba pa bukine bwa mu Baibolo. Bimye bimo, kyawama kukesamba na yewo muntu pa bya mu Baibolo kimye kikwabo.
5. Pimpulai pimpulainga mwisambo. Muntu ye mubena kwisamba nanji kampe wakonsha kutendeka kwamba pa bintutu bikwabo. Inge kyaikala bino, isambai nanji pa mutwe usakumuzakula muchima. Nangwa kya kuba kechi ye mutwe wa mu Baibolo ye mwaji kunengezha kwisambapo nanji ne.
