Nyɛ Filipi Tosa Wo

Yɛɛ Naŋ Pɛɛku yɛ Filipi o Ba?

2. Chiŋalaŋ waŋndo a yooŋgu kɛndɛ naŋ dimi wo le. Kɛ kandu fɛlɛŋ a balta yɔŋaalaŋ le halikpeŋ mbo wa fɛɛsɛŋ, nduyɛ mbo chɛl le baltaŋ dɔwɔɔ a yooŋgu kɛndɔɔ okɔɔ.

 Tol Tamasi Filipi Wo Kɔɔli

3. Mɛɛndiaŋ o nɛi chaa niŋ. A tiuba ma sina waŋndo te a nua ndu pɛ hɔlla, mɛɛ o suaa yɛ, vɛlɛ a mɛɛ o tiimbuu balaŋ yɛ. Baa wana koŋ nɔ pa yeemɛi le baltaŋ dɔwɔɔ a num? Naapum a kandu suɛi a tonya Baabuiyo opum okɔɔ a nyuna tɛtɛlɔɔ hoo, “Baa a sina pa maa . . . ?” Te waŋndo nɔ iyeema le, baŋ ndu le baltaŋ te.

4. Biunuŋ. Yiyaŋ nuaa maa a nɔ ma dimul waŋndo yooŋgu kɛndɔɔ o lepilɛ niŋ kpe le. Chum mi teleŋ koŋ fuuluu. Naapum, mɛɛ teleŋ cheleŋ pɔ ma tiuba le wana koŋ yooŋgu kɛndɔɔ dimullo.

5. Tosa Yɛlɛmiaalaŋ. Lepum, mi baltaŋ la kuɛ naa ŋ ve laŋ kɔl te wa. Lelaŋ, wa o bɛɛndiaŋ le waŋndo chɔmndo nyɛ a mɛɛ yeemɛi nduɛi cho yɛ, o yɔŋ bɛɛ aa o cho suɛi ŋ bɛɛndiaŋ le ndu dimul te ve.